ജിദ്ദ: കേരളത്തിൽ നിന്നുള്ള ഹാജിമാരിൽ ബഹു ഭൂരിഭാഗവും മലബാർ മേഖലയിൽ നിന്നായതിനാൽ കരിപ്പൂരിലെ ഹജ്ജ്  എംബാർക്കേഷൻ പുനഃസ്ഥാപിക്കണമെന്നും സഊദി എയർലൈൻസ് ഉൾപ്പെടെ വലിയ വിമാനങ്ങൾക്ക് കരിപ്പൂർ വിമാനത്താവളത്തിൽ ഏർപ്പെടുത്തിയ വിലക്ക് ഉടൻ പിൻവലിക്കണമെന്നും സഊദി കെഎംസിസി മാറാക്കര പഞ്ചായത്ത് കമ്മിറ്റി യോഗം ആവശ്യപ്പെട്ടു. വിദേശത്ത് നിന്നും ആർ. ടി. പി. സി ടെസ്റ്റ് നടത്തി നെഗറ്റീവ് റിസൾട്ടുമായി വരുന്നവർക്ക് ക്വറന്റൈൻ വേണ്ടെന്ന കേന്ദ്ര സർക്കാർ നിർദേശം കേരളത്തിൽ നടപ്പിലാക്കണമെന്നും യോഗം ആവശ്യപ്പെട്ടു. 

      മാറാക്കര പഞ്ചായത്തിൽ കൂടുതൽ വികസന പ്രവർത്തനങ്ങൾ നടപ്പാക്കാൻ ഭരണത്തുടർച്ച അനിവാര്യമാണെന്നും ആയതിനാൽ മുഴുവൻ യു ഡി എഫ് സ്ഥാനാർഥികളെയും വിജയിപ്പിക്കണമെന്ന് യോഗം പഞ്ചായത്തിലെ വോട്ടർമാരോട് അഭ്യർത്ഥിച്ചു. യു ഡി എഫ് സ്ഥാനാർത്ഥികൾക്ക് വേണ്ടി
പ്രചാരണം നടത്തും. 

      ഓൺലൈൻ വഴി നടന്ന യോഗം ചെയർമാൻ നാസർ ഹാജി കാടാമ്പുഴ ഉദ്ഘാടനം ചെയ്തു. പ്രസിഡന്റ് കുഞ്ഞി മുഹമ്മദ് കൊളമ്പൻ അധ്യക്ഷത വഹിച്ചു. സയ്യിദ് മുഹമ്മദ് ശഖീഖ് തങ്ങൾ, മുസ്തഫ പുത്തൻ പീടിയേക്കൽ, സൈനുദ്ധീൻ കരേക്കാട്, ബഷീർ നെയ്യത്തൂർ, ഒ. പി ശിഹാബ്, മുഹമ്മദ് ജാസിം കല്ലൻ, മുജീബ് റഹ്മാൻ നെയ്യത്തൂർ തുടങ്ങിയവർ ചർച്ചയിൽ പങ്കെടുത്ത് സംസാരിച്ചു. അബ്ദുറഹ്മാൻ ചോഴിമഠത്തിൽ പ്രമേയം അവതരിപ്പിച്ചു. അലവിക്കുട്ടി മുസ്‌ലിയാർ പുളിക്കൽ പ്രാർത്ഥന നടത്തി. ജനറൽ സെക്രട്ടറി മുഹമ്മദ് കല്ലിങ്ങൽ സ്വാഗതവും ട്രഷറർ നാസർ കാടാമ്പുഴ (മക്ക) നന്ദിയും പറഞ്ഞു.