മലപ്പുറം:  സ്രഷ്ടാവിലേക്ക് സര്‍വവും  സമര്‍പ്പിക്കുകയും കളങ്കരഹിത മനസും ജീവിത രീതിയും കെവരിക്കാനുള്ള മാര്‍ഗവുമാണ്് ഹജ്ജ് കര്‍മത്തിലൂടെ വിശ്വാസികള്‍ക്ക് ആര്‍ജിക്കാനാവുന്നതെന്നു സമസ്ത ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍.
 പ്രതിസന്ധികളെ സ്രഷ്ടാവിലേക്കുളള സമര്‍പ്പണത്തിലൂടെ അതിജയിക്കാനാകുമെന്നതാണ് വിശുദ്ധ ഹജ്ജിന്റെ സന്ദേശം.   സംശുദ്ധമായ ജീവിതത്തിനുള്ള  തയാറെടുപ്പായി നമ്മുടെ    ഹജ്ജ് കര്‍മം മാറണമെന്നും  പുണ്യമേറിയ വിശുദ്ധ ഭൂമിയിലെ ഓരോ നിമിഷങ്ങളും  പ്രാര്‍ഥനാമുഖരിതമാവണമെന്നും  അദ്ദേഹം ഉദ്‌ബോധിപ്പിച്ചു. പൂക്കോട്ടൂര്‍ ഹജ്ജ് ക്യാംപ് സമാപന ദിന പരിപാടിയില്‍ അനുഗ്രഹ പ്രഭാഷണം നടത്തുകയായിരുന്നു അദ്ദേഹം.