മലപ്പുറം: സുന്നി മഹല്ല് ഫെഡറേഷന്‍ മലപ്പുറം ജില്ലയിലെ പാര്‍ട്ട്  ടൈം ഓര്‍ഗനൈസര്‍മാരുടെ  ആദ്യത്തെയോഗം ദാറുല്‍ ഹുദയില്‍ നടന്നു. ഡോ. ബഹാഉദ്ദീന്‍ മുഹമ്മദ് നദ്‌വി  ഉദ്ഘാടനം ചെയ്തു. എസ്.എം.എഫ് പ്രവര്‍ത്തനങ്ങള്‍ മഹല്ലുകളില്‍ വ്യാപിപ്പിക്കുന്നതിന്റെ  ഭാഗമായി നിയമിതരായ ഓര്‍ഗനൈസര്‍മാരുടെ ആദ്യഘട്ട പരിശീലന പരിപാടി ആഗസ്റ്റ് രണ്ടിന് വൈകുന്നേരം ഏഴിനു ദാറുല്‍ ഹുദയില്‍ നടക്കും. കെ. എം സൈതലവി ഹാജി  അധ്യക്ഷനായി. യു.ശാഫി ഹാജി വിഷയാവതരണം നടത്തി. എ.കെ ആലിപ്പറമ്പ്,  ടി.എച്ച് അസീസ് ബാഖവി, ഇസ്മാഈല്‍ ഹുദവി ചെമ്മാട്, കെ. എം. കുട്ടി എടക്കുളം  എന്നിവര്‍ പങ്കെടുത്തു.