വളാഞ്ചേരി: പ്രണയം നടിച്ചു വിദ്യാര്‍ഥിനിയെ പീഡിപ്പിച്ച കേസില്‍ യുവാവിനെ പൊലിസ് അറസ്റ്റ് ചെയ്തു. പാലക്കാട് കൊപ്പം കരിങ്ങനാടു സ്വദേശി മുഹമ്മദ് ജാബിറാ(21)ണു വളാഞ്ചേരി പൊലിസിന്റെ പിടിയിലായത്. എടയൂര്‍ സ്വദേശിനിയായ കോളജ് വിദ്യാര്‍ഥിനിയെ പ്രണയം നടിച്ചു ലൈംഗികമായി പീഡിപ്പിച്ച കേസിലാണു സ്വകാര്യ ബസിലെ കണ്ടക്ടറായ ജാബിറിനെ അറസ്റ്റ് ചെയ്തത്. നിര്‍ധനകുടുംബത്തില്‍പ്പെട്ട പെണ്‍കുട്ടിയെ പ്രതി പ്രണയം നടിച്ചു ലൈംഗികമായി ചൂഷണം ചെയ്യുകയായിരുന്നുവെന്നു പൊലീസ് പറഞ്ഞു. സി.ഐ കെ.എം സുലൈമാന്റെ നേതൃത്വത്തില്‍ സ്‌പെഷ്യല്‍ ടീംഅംഗങ്ങളായ എ. ജയപ്രകാശ്, യു.പി ഷറഫുദ്ദീന്‍,സുനില്‍ ദേവ്, സി.പി ഇക്ബാല്‍ എന്നിവരാണു പ്രതിയെ അറസ്റ്റ് ചെയ്തത്.തിരൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ്‌ചെയ്തു.