ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന് കീഴില്‍ പ്രവര്‍ത്തിക്കുന്ന 10,12 ക്ലാസുകളുള്ള മദ്‌റസകള്‍ക്ക് സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ ഗ്രാന്റ് അനുവദിച്ചു.
10,12 ക്ലാസുകളില്‍ കഴിഞ്ഞ അധ്യയന വര്‍ഷത്തില്‍ പൊതുപരീക്ഷയ്ക്ക് ഫീസടച്ച 10ല്‍ താഴെ കുട്ടികളുള്ള മദ്‌റസക്ക് 1,500 രൂപയും 10നു മുകളില്‍ കുട്ടികളുണ്ടെങ്കില്‍ 2,500 രൂപയുമാണ് ഗ്രാന്റ് ലഭ്യമാവുക. 30ന് മുന്‍പായി ഗ്രാന്റ് കൈപറ്റാം. റെയ്ഞ്ച് ലോഗിന്‍ വഴി ഓണ്‍ലൈനില്‍ ഐ.ടി കോ ഓര്‍ഡിനേറ്റര്‍ മുഖേനയാണ് അപേക്ഷ സമര്‍പിക്കേണ്ടത്. 2020-2021 വര്‍ഷത്തിലെ മദ്‌റസാ ഗ്രാന്റിന് 1.10 കോടി രൂപയാണ് വകയിരുത്തിയതെന്ന് സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ സെക്രട്ടറി വാക്കോട് മൊയ്തീന്‍കുട്ടി ഫൈസി അറിയിച്ചു.