കണ്ണൂര്‍: മാത്തില്‍ ഗുരുദേവ് ആര്‍ട്‌സ് ആന്‍ഡ് സയന്‍സ് കോളജിന്റെ പ്രഥമ രബീന്ദ്രനാഥ് ടാഗോര്‍ പുരസ്‌കാരം കഥാകൃത്ത് ടി. പത്മനാഭന്. നാലിന് രാവിലെ 11ന് മാത്തില്‍ ഗുരുദേവ് ആര്‍ട്‌സ് ആന്‍ഡ് സയന്‍സ് കോളജില്‍ നടക്കുന്ന ചടങ്ങില്‍ കലക്ടര്‍ ടി.വി സുഭാഷ് പുരസ്‌കാരം സമ്മാനിക്കും. 25,000 രൂപയും പ്രശസ്തി പത്രവും ശില്‍പവുമടങ്ങുന്നതാണ് പുരസ്‌കാരം.

കേരള സാഹിത്യ അക്കാദമി സെക്രട്ടറി ഡോ. കെ.പി മോഹനന്‍, നാരായണന്‍ കാവുമ്പായി, ഫാ. ഷിബിന്‍ പി. ജയിംസ് എന്നിവരടങ്ങിയ സമിതിയാണ് പുരസ്‌കാരം നിര്‍ണയിച്ചതെന്ന് ഫാ. ഷിബിന്‍ പി. ജയിംസ്, എം. ഫാ. ജയിംസ് മുളക്കവിളയില്‍, മധുസൂദനന്‍, പി. വിനോദ് കുമാര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു