കോഴിക്കോട്: വിദ്യാഭ്യാസ രംഗത്തെ ഇടപെടലുകള്‍ ഭാവിയിലേക്കുള്ള നിക്ഷേപമാണെന്ന് മലയാളം സര്‍വകലാശാല വൈസ് ചാന്‍സലര്‍ ഡോ. കെ. ജയകുമാര്‍.
കോഴിക്കോട് ബി.ഇ.എം സ്‌കൂളില്‍ എം.കെ രാഘവന്‍ എം.പിയുടെ നേതൃത്വത്തില്‍ നടക്കുന്ന പ്ലസ്ടു വിജയികളെ അനുമോദിക്കലും മോട്ടിവേഷന്‍ ക്ലാസും 'വൈബ്രന്റ് കോഴിക്കോട്- 2017 ' ഉദ്ഘാടനം ചെയ്യുകയായിരുന്നു അദ്ദേഹം.
മാതൃഭാഷയില്‍ പഠിക്കുമ്പോള്‍ മാത്രമേ ബൗദ്ധികമായ വെല്ലുവിളികളെ നേരിടാന്‍ വിദ്യാര്‍ഥികള്‍ക്ക് കഴിയൂവെന്നും അദ്ദേഹം പറഞ്ഞു.
പരിപാടിയില്‍ എം.കെ രാഘവന്‍ എം.പി വിജയികളായ വിദ്യാര്‍ഥികള്‍ക്ക് മൊമെന്റോ സമ്മാനിച്ചു. തുടര്‍ന്ന് എം.എന്‍ ചന്ദ്രന്‍ നായര്‍ 'വ്യക്തിത്വ വികസനം' വിഷയത്തില്‍ ക്ലാസെടുത്തു. അഡ്വ. ടി. സിദ്ദീഖ് അനുമോദന പ്രഭാഷണം നടത്തി. സെബാസ്റ്റ്യന്‍ ജോണ്‍ സ്വാഗതവും ടി. അശോക് കുമാര്‍ നന്ദിയും പറഞ്ഞു. പറമ്പാട്ട് സുധാകരന്‍, ഒ.എം രാജന്‍, എം. റിയാസ് സംസാരിച്ചു.