കൊല്ലം:  ഈസ്റ്റ് പൊലിസ് സ്റ്റേഷന്‍ പരിധിയില്‍പെട്ട 250 ഓളം നിര്‍ധനരായ  വിദ്യാര്‍ഥിക്കള്‍ക്ക്  പഠനോപകരണങ്ങള്‍ വിതരണം ചെയ്തു. കൊല്ലം ഈസ്റ്റ് പൊലിസ് സ്റ്റേഷനില്‍ എം മുകേഷ് എം.എല്‍.എ ഉദ്ഘാടനം ചെയ്തു. കൊല്ലം കോര്‍പ്പറേഷന്‍ കൗണ്‍സിലര്‍മാരുടെയും സി.ഡി.എസ് പ്രവര്‍ത്തകരുടെയും സഹായത്തോടെയാണ് ഗുണഭോക്താക്കളെ കണ്ടെത്തിയത്. ജനമൈത്രി പദ്ധതിയുടെ ഭാഗമായി സംഘടിപ്പിച്ച ചടങ്ങില്‍ ഫലവൃക്ഷ തൈകളുടെ വിതരണവും നടത്തി.
കൊല്ലം സിറ്റി പൊലിസ് കമ്മിഷണര്‍ ഡോ. സതീഷ് ബിനോ, കൊല്ലം എ.സിപ.ി ജോര്‍ജ്ജ് കോശി, ഈസ്റ്റ് പൊലിസ്  ഇന്‍സ്‌പെക്ടര്‍ എസ് മഞ്ജുലാല്‍, സബ്  ഇന്‍സ്‌പെക്ടര്‍ എസ് ജയകൃഷ്ണന്‍, കോര്‍പ്പറേഷന്‍ കൗണ്‍സിലര്‍മാരായ റീന സെബാസ്റ്റ്യന്‍, ഗിരിജ സുന്ദരന്‍, പ്രേം ഉഷാര്‍, രവിന്ദ്രന്‍, കേരള പൊലിസ് അസോസിയേഷന്‍ പ്രതിനിധികള്‍ പങ്കെടുത്തു.