കൊച്ചി: കര്‍ദിനാള്‍ മാര്‍ ജോര്‍ജ് ആലഞ്ചേരിയെ എറണാകുളം അങ്കമാലി അതിരൂപതയുടെ മെത്രാപ്പോലീത്ത സ്ഥാനത്തുനിന്ന് ഒരിക്കലും മാറ്റിനിര്‍ത്തിയിട്ടില്ലെന്ന് സിറോമലബാര്‍ മീഡിയ കമ്മിഷന്‍.
കര്‍ദിനാളിന്റെയും സ്ഥിരം സിനഡിന്റെയും ആശയപ്രകാരവും അംഗീകാരത്തോടെയുമാണ് മാര്‍ ജേക്കബ് മനത്തോടത്തിനെ അതിരൂപതയുടെ അഡ്മിനിസ്‌ട്രേറ്ററായി നിയമിച്ചത്. അതിരൂപതയില്‍ നടപ്പിലാക്കിയ മാര്‍പാപ്പയുടെ തീരുമാനങ്ങളുമായി ബന്ധപ്പെട്ട് പ്രചരിക്കുന്ന തെറ്റിദ്ധാരണകള്‍ക്കെതിരേ വിശ്വാസികള്‍ ജാഗ്രത പാലിക്കണമെന്നും മീഡിയാകമ്മിഷന്‍ ചെയര്‍മാന്‍ മാര്‍ ജോസഫ് പാംപ്ലാനി അറിയിച്ചു.