കൊച്ചി: മണ്ണും പ്രകൃതിയും മനുഷ്യനുമൊക്കെ കഥാപാത്രങ്ങളാകുന്ന ശില്‍പ, ചിത്ര പ്രദര്‍ശനം ഇന്നു മുതല്‍ 25 വരെ എറണാകുളം ദര്‍ബാര്‍ഹാള്‍ ആര്‍ട്ട് ഗാലറിയില്‍ നടക്കും. ഇടപ്പള്ളി രാഘവന്‍പിള്ള സാംസ്‌കാരിക വേദിയുടെ ആഭിമുഖ്യത്തില്‍ 12 ചിത്രകാരന്മാരുടെ പെയ്ന്റിംഗുകളാണ് പ്രദര്‍ശനത്തിനുള്ളത്.
ഇന്ന് വൈകിട്ട് അഞ്ചിന് ലളിതകലാ അക്കാഡമി ചെയര്‍മാന്‍ ടി.എ സത്യപാല്‍ ഉദ്ഘാടനം ചെയ്യും. ഗുരുപൂജ പുരസ്‌കാരം ലഭിച്ച കവി എസ് രമേശനെയും സിദ്ധാര്‍ഥ് പുരസ്‌കാരം ലഭിച്ച ചിത്രകാരന്‍ അശാന്തനെയും ചടങ്ങില്‍ ആദരിക്കും. ഇന്ത്യന്‍ സ്‌കൂള്‍ ഒഫ് ആര്‍ട്‌സ് ഡയറക്ടര്‍ ശശി.കെ വാര്യര്‍ അധ്യക്ഷത വഹിക്കും.