മാറഞ്ചേരി: യു.ഡി.എഫ് ധാരണപ്രകാരം കോണ്‍ഗ്രസ് അംഗമായ പ്രേമജ സുധീര്‍ പ്രസിഡന്റ് സ്ഥാനവും മുസ്‌ലിം ലീഗിലെ കെ.കെ ബീരാന്‍കുട്ടി വൈസ് പ്രസിഡന്റ് സ്ഥാനവും ഒഴിഞ്ഞതോടെ വെളിയങ്കോട് ഗ്രാമപഞ്ചായത്തില്‍ നടന്ന പ്രസിഡന്റ് തെരഞ്ഞെടുപ്പില്‍ മുസ്‌ലിം ലീഗിലെ സുഹ്‌റ ബാബുവിനെയും വൈസ് പ്രസിഡന്റായി കോണ്‍ഗ്രസിലെ എം.കെ ഇബ്രാഹിമിനെയും തിരഞ്ഞെടുത്തു . പി.ഡബ്ലിയു.ഡി അസിസ്റ്റന്റ് എന്‍ജിനീയര്‍ വരണാധികാരിയായി .
പ്രസിഡന്റ് സ്ഥാനത്തേക്ക് സി.പി .ഐ ലെ ഷാജിറ മനാഫും വൈസ് പ്രസിഡന്റ് സ്ഥാനത്തേക്ക് സി.പി.എമ്മിലെ കെ.പി ചന്ദ്രനും മത്സരിച്ചു. കോണ്‍ഗ്രസിന് ആറും ലീഗിന് നാലും സി.പി.എമ്മിന് ആറും സി.പി.യ്ക്ക് രണ്ട് അംഗങ്ങളുമാണ് ഉള്ളത്.