അങ്ങാടിപ്പുറം: തിരൂര്‍ക്കാട് ടൗണില്‍ കടകളില്‍ പരക്കെ മോഷണം. തിരൂര്‍ക്കാട് ജങ്ഷനിലെ ഫെയ്മസ് ട്രേഡേഴ്‌സ്, പേപ്പറോണ ബേക്കറി, പച്ചക്കറിക്കട, റോയല്‍ ഇലക്ട്രിക്കല്‍സ് എന്നീ നാലു കടകളിലാണ് ഇന്നലെ പുലര്‍ച്ചെയോടെ മോഷണം നടന്നത്. കടകളുടെ പൂട്ട് തകര്‍ത്ത് അകത്തു കയറിയ കള്ളന്‍ മുഖംമൂടി ധരിച്ച് പണവും മറ്റും തിരയുന്ന ദൃശ്യം സി.സി.ടി.വിയില്‍ പതിഞ്ഞിട്ടു@ണ്ട്.
നാലു കടകളില്‍ കയറിയെങ്കിലും ര@ണ്ടു കടകളില്‍ നിന്നായി നേരിയ തുക മാത്രമാണ് മോഷണം പോയിട്ടുള്ളത്. മങ്കട പൊലിസ് സ്ഥലത്തെത്തി പരിശോധന നടത്തി. അങ്ങാടിപ്പുറത്ത് കോട്ടപ്പറമ്പയിലെ മൂന്ന് കടകളില്‍ കള്ളന്‍ കയറിയതിനു പിന്നാലെ ഒരു മാസം തികയും മുന്‍പേ അങ്ങാടിപ്പുറം ടൗണിലെ മറ്റൊരു മൊബൈല്‍ ഷോപ്പിലും മോഷണം നടന്നിരുന്നു. സമാന സമയങ്ങളില്‍ തന്നെയാണ് അങ്ങാടിപ്പുറത്തും, തിരൂര്‍ക്കാടിലും മോഷണം നടന്നിരിക്കുന്നത്.