പനങ്ങാട്: ഉദയത്തും വാതില്‍ സെന്‍ട്രല്‍ റസിഡന്റ്‌സ് അസോസിയേഷന്‍ വാര്‍ഷികം എം.സ്വരാജ് എം.എല്‍.എ ഉദ്ഘാടനം ചെയ്തു. പ്രസിഡണ്ട് കെ.എം മനോജ് കുമാര്‍ അധ്യക്ഷനായി. കേന്ദ്ര സംസ്ഥാന സര്‍ക്കാരിന്റെ മികച്ച ബ്ലോക്ക് പഞ്ചായത്തിനുള്ള ശാക്തീകരണ അവാര്‍ഡ് നേടിയ പള്ളുരുത്തി ബ്ലോക്ക് പഞ്ചായത്ത് പ്രസിഡന്റ്, മികച്ച വിജയം കൈവരിച്ച വിദ്യാര്‍ഥി പ്രതിഭകള്‍ എന്നിവരെ ചടങ്ങില്‍ അനുമോദിച്ചു.
പഞ്ചായത്ത് പ്രസിഡന്റ്് ഷേര്‍ളി ജോര്‍ജ്, റസി. കോഓര്‍ഡിനേഷന്‍ സെക്രട്ടറി വി.പി.പങ്കജാക്ഷന്‍, ഗവ. എല്‍.പി സ്‌കൂള്‍ ഹെഡ്മാസ്റ്റര്‍ വിജു കെ.ടി. സെക്രട്ടറി കെ.ബി.സുനില്‍, വൈസ് പ്രസിഡന്റ് ജസ്സി ആന്റണി എന്നിവര്‍ പ്രസംഗിച്ചു.
മട്ടാഞ്ചേരി: ചെറളായി മഞ്ഞ ഭഗവതി റസിഡന്റ്‌സ് അസോസിയേഷന്‍ വാര്‍ഷികം വൈ.എം.സി.എ മുന്‍ സെക്രട്ടറി ബേബി.കെ റോയ് ഉദ്ഘാടനം ചെയ്തു. അസോസിയേഷന്‍ പ്രസിഡന്റ് ബി.ആനന്ദ് രാജ് അധ്യക്ഷത വഹിച്ചു. സെക്രട്ടറി ആര്‍.രമേശ്, ഡി.സുന്ദരേശ്വന്‍ മാസ്റ്റര്‍, സദാനന്ദ മല്ല്യ എന്നിവര്‍ സംസാരിച്ചു.
മനസ് റസിഡന്റ്‌സ് അസോസിയേഷന്‍ വാര്‍ഷികം കൗണ്‍സിലര്‍ കെ.ജെ ആന്റണി ഉദ്ഘാടനം ചെയ്തു. അസോസിയേഷന്‍ പ്രസിഡന്റ് ജോസ് ബെനഡിക്ട് അധ്യക്ഷത വഹിച്ചു. ചൈല്‍ഡ് ലൈന്‍ കോ ഓഡിനേറ്റര്‍ ലതിക ഷിബു മയക്കു മരുന്നു വിപത്തിനെ കുറിച്ച് ക്ലാസെടുത്തു.
ചടങ്ങില്‍ 80 കഴിഞ്ഞ വയോധികരെ ആദരിച്ചു. പൊതു പരീക്ഷകളില്‍ ഉന്നത വിജയം നേടിയവരെ ആദരിക്കുകയും ചെയ്തു. സെക്രട്ടറി ഡാനിയേല്‍ ജോസഫ്, വൈസ് പ്രസിഡന്റ് കെ.ഇ.ഫിലോദാസ്, ജെയ്‌സണ്‍ റോക്കി, തെരേസ സിനി എന്നിവര്‍ സംസാരിച്ചു.