വാടാനപ്പള്ളി: കോണ്‍ഗ്രസ് മെമ്പര്‍ഷിപ്പ് കംപയിനിന്റ ഭാഗമായി തൃശൂര്‍ ജില്ലാ കോണ്‍ഗ്രസ് പ്രസിഡന്റ് സ്വന്തം ബൂത്തില്‍ ഭവന സന്ദര്‍ശനം നടത്തി.
കേരളത്തിലെ മുഴുവന്‍ ബൂത്ത് കമ്മിറ്റികളിലും ഇന്നും നാളെയുമായി മുഴുവന്‍ നേതാക്കന്‍മാരും ബൂത്ത് പ്രതിനിധികളും അവരവരുടെ സ്വന്തം ബൂത്തുകളിലും ഭവന സന്ദര്‍ശനം നടത്തണമെന്ന കെ.പി.സി.സിയുടെ നിര്‍ദേശത്തിന്റെ ഭാഗമാണ്  ഡി.സി.സി പ്രസിഡന്റ് ടി.എന്‍ പ്രതാപന്‍ സ്വന്തം ബൂത്തായ തളിക്കുളം പഞ്ചായത്തിലെ 20ാം നമ്പര്‍ ബൂത്തില്‍ ഭവന സന്ദര്‍ശനത്തിന് ഇറങ്ങിയത്. തൃശൂര്‍ ജില്ല നാളിതുവരെ കാണാത്ത ആവേശമാണ് ബൂത്ത് കമ്മിറ്റി തിരഞ്ഞെടുപ്പ് കഴിഞ്ഞതിന് ശേഷം കോണ്‍ഗ്രസ് പാര്‍ട്ടികക്കത്ത് കാണാന്‍ കഴിഞ്ഞത്.
താഴെ തട്ടിലുള്ള പ്രവര്‍ത്തനങ്ങള്‍ക്കാണ് പാര്‍ട്ടി കൂടുതല്‍ ശ്രദ്ധ കൊടുക്കുന്നത്. സ്വന്തം ബൂത്തുകളിലെ പ്രവര്‍ത്തനം മെച്ചപ്പെടുത്താതെ ആര്‍ക്കും നേതാവാക്കാന്‍ കഴിയില്ല. ജില്ലയില്‍ പാര്‍ട്ടിക്ക് താല്‍ക്കാലികമായി ഉണ്ടായ പരാജയം അതിജീവിച്ച് വന്‍ശക്തിയായി പാര്‍ട്ടി മാറുമെന്നും കേന്ദ്ര സംസ്ഥാന ഭരണത്തില്‍ പൊറുതിമുട്ടിയ ജനങ്ങള്‍ കോണ്‍ഗ്രസ് തിരിച്ച് വരണമെന്ന് ആഗ്രഹിക്കുന്നുവെന്നും ടി.എന്‍ പ്രതാപന്‍ പറഞ്ഞു.
ഭവന സന്ദര്‍ശനത്തിന് മണ്ഡലം പ്രസിഡന്റ് ഹിറോഷ് ത്രിവേണി, പഞ്ചായത്ത് മെമ്പര്‍ പി.എസ് സുല്‍ഫീക്കര്‍, ബൂത്ത് പ്രസിഡന്റ് മദനമോഹനന്‍ മാഷ്, ബൂത്ത് കമ്മിറ്റി ഭാരവാഹികളായ ഹിഷാം,
പി.കെ കാസിം, കുല്‍സു സുലൈമാന്‍, ബിന്ദു രാജു, ലൈല കൊച്ചുബാവ, ലീല മോഹനന്‍, വി.വേലു സ്വാമി, എ.എസ്.ഷാഹുല്‍ ഹമീദ്, എ.എസ് വീരാസന്‍ തുടങ്ങിയവര്‍ ഭവന സന്ദര്‍ശനത്തിന്ന് നേതൃത്വം നല്‍കി.