തൃപ്രയാര്‍:  ഹൈവേ പൊലിസിനെ കണ്ട് ബൈക്ക് വെട്ടിതിരിക്കുന്നതിനിടെ കാറിടിച്ച് യുവാവിന് പരുക്കേറ്റു. കണ്ടശ്ശാംകടവ് സ്വദേശി ആളൂര്‍ കൊക്കന്‍ ബിനോളിനാണ് പരുക്കേറ്റത്.
ഇന്നലെ രാവിലെ പത്തരയോടെ തൃപ്രയാര്‍ തെക്കേ ആല്‍മാവിന് സമീപം ദേശീയപാതയിലായിരുന്നു അപകടം.
 ദേശീയപാതയോരത്ത് ഹൈവേ പൊലിസിനെ കണ്ട് ഇയാള്‍ ബൈക്ക് വെട്ടിതിരിച്ചപ്പോള്‍ എതിര്‍ദിശയില്‍ നിന്ന് വന്ന കാര്‍ ബൈക്കിലിടിക്കുകയായിരുന്നു. ഹൈവേ പൊലിസ് വാഹനം കിടന്നിരുന്ന സ്ഥലത്തിന് അഞ്ച് മീറ്ററോളം തെക്ക് ഭാഗത്തായിരുന്നു അപകടം.
കാല്‍പാദത്തിന് പരുക്കേറ്റ ബിനോളിനെ ഹൈവേ പൊലിസ് കൊടുങ്ങല്ലൂര്‍ മോഡേണ്‍ ആശുപത്രിയില്‍ പ്രവേശിപ്പിച്ചു.