കൊടുങ്ങല്ലൂര്‍: കൊടുങ്ങല്ലൂര്‍ മേത്തലയില്‍ അയ്യപ്പ ക്ഷേത്രത്തിന്  തീപിടിച്ചു. മേത്തലപ്പാടം അയ്യപ്പ ഭജന സമിതിയുടെ കീഴിലുള്ള ക്ഷേത്രത്തിലാണ് ബുധനാഴ്ച രാത്രിയില്‍ തീപിടിച്ചത്. ഓല കൊണ്ട് നിര്‍മിച്ച ക്ഷേത്രം ഭാഗികമായി കത്തിനശിച്ചു. മേത്തലപ്പാടം വഴി കടന്നുപോകുകയായിരുന്ന കാര്‍ യാത്രക്കാരാണ് ക്ഷേത്രത്തിന് തീ വച്ചത് ആദ്യം കണ്ടത്. അവര്‍ ഉടന്‍ തന്നെ പരിസരവാസികളെ വിവരമറിയിച്ചു. തുടര്‍ന്ന് നാട്ടുകാര്‍ ചേര്‍ന്ന് തീയണച്ചു. കൊടുങ്ങല്ലൂര്‍ പൊലിസ് കേസെടുത്ത് അന്വേഷണമാരംഭിച്ചു.