കൊടകര: പേരാമ്പ്ര അപ്പോളോ ടയേഴ്‌സിലെ അപ്പോളോ ടയേഴ്‌സ് എംപ്ലോയീസ് യൂണിയന്റെ (സി.ഐ.ടി.യു) നാല്‍പതാം വാര്‍ഷികാഘോഷങ്ങള്‍ ഇന്നും, നാളെയുമായി വിപുലമായ പരിപാടികളോടെ ആഘോഷിക്കുന്നു.
പേരാമ്പ്ര സ. പി.ആര്‍ രാജന്‍ നഗറില്‍ ഇന്ന് രാവിലെ 10.30 ന് സഹകരണ ടൂറിസം വകുപ്പ് മന്ത്രി എ.സി മൊയ്തീന്‍ ഉദ്ഘാടനം ചെയ്യും. യൂനിയന്‍ വര്‍ക്കിങ് പ്രസിഡന്റ് കെ.കെ രാമചന്ദ്രന്‍ അധ്യക്ഷനാകും.  വൈകീട്ട് 4 ന് യൂണിയന്‍ മുന്‍ പ്രസിഡന്റ് കെ.എന്‍ രവീന്ദ്രനാഥ്, വിരമിച്ച യൂനിയന്‍ ഭാരവാഹികള്‍, ജീവനക്കാര്‍ എന്നിവരെ ആദരിക്കും. സി.പി.എം ജില്ലാ സെക്രട്ടറി കെ.രാധാകൃഷ്ണന്‍ ഉദ്ഘാടനം ചെയ്യും. കൊടകര ഏരിയ സെക്രട്ടറി ടി.എ രാമകൃഷ്ണന്‍ അധ്യക്ഷനാകും.