ഇടുക്കി: നെടുങ്കണ്ടം കസ്റ്റഡി കൊലപാതകത്തില്‍ പ്രതിഷേധിച്ച് കൊണ്‍ഗ്രസ് പ്രവര്‍ത്തകര്‍ നെടുങ്കണ്ടം പൊലിസ് സ്റ്റേഷനിലേക്ക് നടത്തിയ മാര്‍ച്ചില്‍ സംഘര്‍ഷം. പൊലിസും പ്രവര്‍ത്തകരും തമ്മില്‍ ഉന്തും തള്ളുമുണ്ടായി. പൊലിസിന് നേരെ പ്രവര്‍ത്തര്‍ ചീമുട്ടയെറിഞ്ഞു. സംഘര്‍ഷത്തിനിടെ ലാത്തികൊണ്ടുള്ള അടിയേറ്റ് പരുക്കേറ്റ ഒരു പ്രവര്‍ത്തകനെ ആശുപത്രിയില്‍ പ്രവേശിപ്പിച്ചു.

സാമ്പത്തിക തട്ടിപ്പ് കേസില്‍ പൊലിസ് അറസ്റ്റ് ചെയ്ത രാജ്കുമാര്‍ കസ്റ്റഡിയില്‍ ക്രൂരമര്‍ദനമേറ്റതിനെ തുടര്‍ന്ന് മരിച്ചിരുന്നു. സംഭവത്തില്‍ ഉള്‍പ്പെട്ട നെടുങ്കണ്ടം സ്റ്റേഷനിലെ എസ്.ഐ സാബു, സി.പി.ഒ സജീവ് ആന്റണി എന്നിവരെ ഇന്നലെ രാത്രിയോടെ അറസ്റ്റ് ചെയ്തതിന് പിന്നാലെയാണ് കോണ്‍ഗ്രസ് പ്രതിഷേധ മാര്‍ച്ച നടത്തിയത്.