ലഖ്‌നൗ: അയോധ്യയിലെ നിര്‍ദിഷ്ട വിമാനത്താവളത്തിന് മര്യാദാ പുരുഷോത്തം ശ്രീരാം വിമാനത്താവളം എന്നു പേരിട്ടു.
2021 ഡിസംബറില്‍ വിമാനത്താവള ജോലികള്‍ പൂര്‍ത്തീകരിക്കാനാണ് ഉദ്ദേശിക്കുന്നത്. രാമക്ഷേത്ര നിര്‍മാണം പൂര്‍ത്തിയാകുന്നതോടെ ജനപ്രവാഹമുണ്ടാകുമെന്ന പ്രതീക്ഷയിലാണ് വിമാനത്താവളം നിര്‍മിക്കുന്നത്. വലിയ വിമാനങ്ങള്‍ ഇറങ്ങാനാവുന്ന വിധം റണ്‍വേ വിപുലീകരണത്തിന് ഭൂമി ഏറ്റെടുക്കാനുള്ള നടപടികള്‍ പുരോഗമിക്കുകയാണ്.
നേരത്തെ ഉത്തര്‍പ്രദേശിലെ ഫൈസാബാദ് ജില്ലയുടെ പേര് 'ശ്രീ അയോധ്യ' എന്നാക്കി മാറ്റിയിരുന്നു. അലഹാബാദിന്റെ പേര് പ്രയാഗ് രാജ് എന്നും മാറ്റിയിരുന്നു.