കട്ടാങ്ങല്‍: ബൈക്കപകടത്തില്‍ മരിച്ച എസ്.കെ.എസ്.എസ്.എഫ് കളന്‍തോട് ശാഖാ പ്രവര്‍ത്തകനും മുസ്‌ലിം യൂത്ത് ലീഗ് ശാഖാ സെക്രട്ടറിയുമായ പാണന്‍കണ്ടി റിയാസിന് ആയിരങ്ങളുടെ യാത്രാമൊഴി. നാട്ടിലെ റിലീഫ് പ്രവര്‍ത്തനങ്ങളിലും പൊതുപ്രവര്‍ത്തന രംഗത്തും നിറസാന്നിധ്യമായിരുന്നു റിയാസ്. മത സാമൂഹിക സാംസ്‌കാരിക രാഷ്ട്രീയ രംഗത്തെ പ്രമുഖര്‍ ജനാസ സന്ദര്‍ശിച്ചു.
പാണക്കാട് സയ്യിദ് അബ്ബാസലി ശിഹാബ് തങ്ങള്‍, പി.കെ.കെ ബാബ, സി. മോയിന്‍ കുട്ടി, എം.എ റസാക്ക് മാസ്റ്റര്‍, ഉമ്മര്‍ പാണ്ടികശാല, മുസ്തഫ മാസ്റ്റര്‍ മുണ്ടുപാറ, പി.കെ ഫിറോസ്, വി.എം ഉമ്മര്‍ മാസ്റ്റര്‍, പി.ടി.എ റഹീം എം.എല്‍.എ, സി.പി ചെറിയ മുഹമ്മദ്, അഡ്വ. പി.എം ഹനീഫ ജനാസ സന്ദര്‍ശിച്ചു.
കളന്‍തോട് അങ്ങാടിയില്‍ ചേര്‍ന്ന അനുശോചന യോഗം കെ.എ കാദര്‍ മാസ്റ്റര്‍ ഉദ്ഘാടനം ചെയ്തു. എം.പി ഹംസ മാസ്റ്റര്‍ അധ്യക്ഷനായി. അബൂബക്കര്‍ ഫൈസി മലയമ്മ, എന്‍.എം ഹുസ്സയിന്‍, ഒ.പി.എം അഷ്‌റഫ്, ശരീഫ് മലയമ്മ, പി.കെ ഹക്കീം, ചൂലൂര്‍ നാരായണന്‍, കരിക്കിനാരി ഭരതന്‍, മുരളീധരന്‍ മുണ്ടക്കാളി, കുഞ്ഞിമരക്കാര്‍, എം.കെ.സി അബ്ദുല്ല, സിറാജുദ്ദീന്‍, കെ. ശരീഫ് സംസാരിച്ചു.