ഇസ്‌ലാമാബാദ്: ബലൂചിസ്ഥാന്റെ സ്വാതന്ത്ര്യത്തിനായി പോരാടുന്ന ബലൂചിസ്ഥാന്‍ സ്വാതന്ത്ര്യ സേനയെ യു.എസ് ഭീകരസംഘടനകളുടെ പട്ടികയില്‍ ഉള്‍പ്പെടുത്തി. നടപടി പാക് സര്‍ക്കാര്‍ സ്വാഗതം ചെയ്തു. പാക്കിസ്താന് വലിയ തലവേദനയാണ് ബി.എല്‍.എ.

ഈവര്‍ഷം ഗാദ്വറിലെ ആഡംബര ഹോട്ടലില്‍ ഭീകരാക്രണം നടത്തിയതും 2018ല്‍ കറാച്ചിയിലെ ചൈനീസ് കോണ്‍സുലേറ്റില്‍ വെടിവയ്പ്പ് നടത്തിയതുമാണ് ഭീകരരായി പ്രഖ്യാപിക്കാന്‍ കാരണമായി പറയുന്നത്. ഇതോടെ സംഘടനയുടെ ബാങ്ക് അക്കൗണ്ടുകള്‍ മരവിപ്പിക്കും.