ന്യൂഡല്‍ഹി: രഞ്ജന്‍ ഗൊഗോയി സുപ്രിംകോടതി ചീഫ് ജസ്റ്റിസാകുന്നത് ചോദ്യം ചെയ്ത് ഹരജി. ചീഫ് ജസ്റ്റിസ് ദീപക് മിശ്ര, ജസ്റ്റിസുമാരായ എ.എം ഖാന്‍വില്‍കര്‍, ഡി.വൈ ചന്ദ്ര ചൂഡ് എന്നിവരടങ്ങിയ ബെഞ്ച് ഹരജി ഇന്ന് പരിഗണിക്കും. 

സംഘ്പരിവാര്‍ സഹയാത്രികനായ അഭിഭാഷകന്‍ ആര്‍.പി ലൂത്രയാണ് ഹരജി സമര്‍പ്പിച്ചത്. സുപ്രിം കോടതി ചീഫ് ജസ്റ്റിസിനെതിരേ വാര്‍ത്താ സമ്മേളനം നടത്തിയ നാല് ജഡ്ജിമാരില്‍ ഒരാളാണ് രഞ്ജന്‍ ഗൊഗോയ്. ഇക്കാര്യം ചൂണ്ടിക്കാട്ടിയാണ് അദ്ദേഹത്തെ സുപ്രിം കോടതി ചീഫ് ജസ്റ്റിസായി നിയമിക്കരുതെന്ന് ആവശ്യപ്പെട്ട് ഹരജി നല്‍കിയത്.