പെരുമ്പാവൂര്‍: കര്‍ണാടക ചിന്താമണിയില്‍ ബസും ഷെയര്‍ ഓട്ടോയും കൂട്ടിയിടിച്ചു പെരുമ്പാവൂര്‍ സ്വദേശികളായ ദമ്പതികള്‍ മരിച്ചു. സൗത്ത് വല്ലം മൂക്കട (ഇറ്റിക്കിനാലി) വീട്ടില്‍ സിദ്ധീഖ് (50), ഭാര്യ റെജീന (48) എന്നിവരാണ് മരിച്ചത്.

ബുധനാഴ്ച ഉച്ചയോടെ കര്‍ണാടക ചിന്താമണിയിലാണ് സംഭവം. ഇരുവരും തീര്‍ഥാടനത്തിനായി പോകുന്നതിനിടെയാണ് അപകടം. കഴിഞ്ഞ ചൊവ്വാഴ്ച വൈകിട്ടാണ് ഇരുവരും ട്രെയിന്‍ മാര്‍ഗം പോയത്.

അപകടത്തില്‍ ഇവരെ കൂടാതെ 10 പേര്‍ മരണപ്പെടുകയും 20 പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്. ഇവര്‍ സഞ്ചരിച്ചിരുന്ന ഷെയര്‍ ഓട്ടോയിലേക് ബസ് ഇടിച്ചാണ് അപകടം. ഓട്ടോയില്‍ ഉണ്ടായിരുന്നവരാണ് മരിച്ച 12 പേരും. മക്കള്‍: മാഹിന്‍, ബീമ, ഫാത്തിമ. മരുമകന്‍: റിജാസ്.