ലണ്ടന്‍: ബ്രിട്ടനില്‍ ഇന്ത്യക്കാരി രഹാന അമീറിനെ ലണ്ടന്‍ സിറ്റി കൗണ്ടി കോര്‍പറേഷനിലേക്ക് തെരഞ്ഞെടുത്തു. ചെന്നൈയില്‍ ജനിച്ച രഹാന ലണ്ടന്‍ കൗണ്ടിയിലെ വിന്‍ട്രി വാര്‍ഡില്‍ നിന്നാണ് ജയിച്ചത്.
കോര്‍ട്ട് ഓഫ് കോമണ്‍ കൗണ്‍സിലിലെ വാര്‍ഡ് കൗണ്‍സിലറായി തെരഞ്ഞെടുക്കപ്പെട്ട രഹാന ലണ്ടന്‍ സിറ്റി കോര്‍പറേഷനില്‍ ഈ പദവിയിലെത്തുന്ന ആദ്യത്തെ ഇന്ത്യക്കാരിയാണ്. റോഡ് സുരക്ഷ, അന്തരീക്ഷ മലിനീകരണം കുറയ്ക്കുക, മാനസികാരോഗ്യം, വ്യവസായങ്ങള്‍ക്ക് സഹായം ചെയ്യുക തുടങ്ങിയ മേഖലകളില്‍ താന്‍ ഊന്നല്‍ നല്‍കുമെന്ന് രഹാന പറഞ്ഞു.
ലണ്ടനിലെ ബിസിനസ് രംഗത്തിന് പ്രതീക്ഷയാണ് രഹാനയെന്ന് ബ്രിട്ടീഷ് മാധ്യമങ്ങള്‍ പറഞ്ഞു. ലണ്ടന്‍ സിറ്റിയില്‍ 25 വാര്‍ഡുകളാണുള്ളത്.