മാന്നാര്‍: അനധികൃതമായി കടത്തിക്കൊണ്ടുവന്ന റേഷന്‍ ഉത്പന്നങ്ങള്‍ മാന്നാര്‍ പൊലീസ് പിടിച്ചെടുത്തു. കരുനാഗപ്പള്ളി ഭാഗത്ത് നിന്നും ടെമ്പോയില്‍ കടത്തിക്കൊണ്ടുവന്ന ഏകദേശം ആയിരം കിലോ തൂക്കം വരുന്ന അരി,  ഗോതമ്പ് എന്നിവയാണ് പിടിച്ചെടുത്തത്. ഇന്നലെ രാവിലെ 6 മണിക്ക്  മാന്നാര്‍ പോസ്റ്റ് ഓഫീസിന് സമീപം പോലീസിനെ കണ്ട്  ടെമ്പൊ ഡ്രൈവറും സഹായിയും  ഇറങ്ങി ഓടുന്നത് കണ്ട് സംശയം തോന്നി പരിശോധിച്ചപ്പോഴാണ് റേഷന്‍ സാധനങ്ങളാണെന്ന് അറിഞ്ഞത്. മാന്നാര്‍ പൊലീസ് കേസെടുത്തു. അനധികൃതമായി റേഷന്‍ ഉത്പന്നങ്ങള്‍ മിക്ക ദിവസങ്ങളിലും ഇതു വഴി കടന്ന് പോകുന്നതായി പരക്കെ സംസാരമുണ്ട്.