പോര്‍ട്ടോ അലേഗ്രോ: കോപ്പ അമേരിക്കയില്‍ ബ്രസീല്‍- പെറു ഫൈനല്‍. രണ്ടാം സെമി ഫൈനലില്‍ ചിലിയെ മൂന്ന് ഗോളുകള്‍ക്ക് തോല്‍പ്പിച്ചാണ് പെറു ഫൈനലില്‍ പ്രവേശിച്ചത്.

1975ന് ശേഷം പെറു ഇതാദ്യമായാണ് ഫൈനലില്‍ എത്തുന്നത്. എഡിസണ്‍ ഫ്‌ലോറിസ്, യോഷിമര്‍ യോടുന്‍, പൗലോ ഗെറേറോ എന്നിവരാണ് പെറുവിനായി വിജയഗോളുകള്‍ നേടിയത്.

മാരക്കാനയില്‍ ഞായറാഴ്ച നടക്കുന്ന ഫൈനലില്‍ പെറു ബ്രസീലിനെ നേരിടും. അര്‍ജന്റീനയെ എതിരില്ലാത്ത രണ്ട് ഗോളുകള്‍ക്ക് തോല്‍പ്പിച്ചാണ് ബ്രസീല്‍ ഫൈനലിന് യോഗ്യത നേടിയത്.