കൊപ്രശേഖരം കത്തിനശിച്ചു; ലക്ഷങ്ങളുടെ നഷ്ടം
ആലക്കോട്: ഉദയഗിരി താളിപ്പാറയില്‍ കൊപ്രശേഖരം കത്തി നശിച്ച് ലക്ഷങ്ങളുടെ നഷ്ടം. ബുധനാഴ്ച അര്‍ധരാത്രിയോടെയാണ് സംഭവം. കല്ലക്കാവുങ്കല്‍  ജിന്‍സോയുടെ ഉടമസ്ഥതയിലുള്ള കൊപ്രയാണ് കത്തിനശിച്ചത്. കെട്ടിടത്തിന്റെ ഓടുമേഞ്ഞ മേല്‍ക്കൂരയും പൂര്‍ണമായും കത്തിനശിച്ചു. ഓട് പൊട്ടിത്തെറിക്കുന്ന ശബ്ദം കേട്ടാണ് വീട്ടുകാര്‍ ഉണര്‍ന്നത്. പതിനായിരത്തോളം തേങ്ങയും കത്തി നശിച്ചവയില്‍ ഉള്‍പ്പെടുന്നു. മൂന്നര ലക്ഷം രൂപയുടെ നഷ്ടം കണക്കാക്കുന്നു. വില്ലേജ്, കൃഷി ഭവന്‍ ഉദ്യോഗസ്ഥര്‍ സ്ഥലത്തെത്തി നാശനഷ്ടം വിലയിരുത്തി.