അലനല്ലൂര്‍: അലനല്ലൂര്‍ പഞ്ചായത്തില്‍ സമസ്തയുടെ കാര്യാലയം നിര്‍മാണ പദ്ധതിയുമയി സമസ്ത കോഡിനേഷന്‍ കമ്മിറ്റി ചേര്‍ന്നു. കാര്യാലയം നിര്‍മിക്കുന്നതിനായി ടി. അബ്ദുള്ള ഹാജി അലനല്ലൂര്‍ ചന്തപ്പടിയില്‍ ആവശ്യമായ സ്ഥലം ദാനമായി നല്‍കിയിട്ടുണ്ട്. റമളാനിനു ശേഷം നിര്‍മാണ പ്രവര്‍ത്തനങ്ങള്‍ ആരംഭിക്കാനും ഇതുമായി ബന്ധപ്പെട്ട വിപുലമായ കണ്‍വന്‍ഷന്‍ സംഘടിപ്പിക്കാനും യോഗം തീരുമാനിച്ചു.  വി.കരീം മുസ്‌ലിയാര്‍ കുളപ്പറമ്പ് ഉദ്ഘാടനം ചെയ്തു. കോഡിനേഷന്‍ ചെയര്‍മാന്‍ എം.കെ. ബക്കര്‍ അധ്യക്ഷനായി. വിവിധ പോഷക ഘടകങ്ങളെ പ്രതിനിധീകരിച്ച് എന്‍.ഹംസ മാസ്റ്റര്‍ (എസ്.എം.എഫ്), കെ. മുഹമ്മദ് ഫൈസി (എസ്.വൈ.എസ് ), എം.കെ. ഹനീഫ ഫൈസി ( ജംഇയ്യത്തുല്‍ മുഅല്ലിമീന്‍), എന്‍. അഷ്‌റഫ് ഹാജി (മാനേജ്‌മെന്റ് ), ഉബൈദ് മാസ്റ്റര്‍ ആക്കാടന്‍ (എസ്.കെ.എസ്.എസ്.എഫ് ) സംസാരിച്ചു. കെ. അബ്ദുപ്പു ഹാജി, എന്‍ അബു ഹാജി, എം.എം. റഫീഖ് ദാരിമി, എം.കെ. അബ്ബാസ് ഫൈസി, വി.ടി.എ. ഖാദര്‍, ശിഹാബ് കണ്ണംകുണ്ട്, കരീം മാസ്റ്റര്‍ സംബന്ധിച്ചു. കണ്‍വീനര്‍ ടി.എ. റസാഖ് മാസ്റ്റര്‍ സ്വാഗതവും ആലായന്‍ സൈനുദ്ദീന്‍ ഹാജി നന്ദിയും പറഞ്ഞു.