മദീന: ഈ വര്‍ഷത്തെ ഹജ്ജിന് തുടക്കം കുറിച്ച് വിദേശ ഹാജിമാരുടെ സംഘം പുണ്യ ഭൂമിയില്‍ എത്തിത്തുടങ്ങി. ജിദ്ദ, മദീന വിമാനത്താവളങ്ങളില്‍ വന്നിറങ്ങിയ ആദ്യ സംഘത്തിന് ഊഷ്മള വരവേല്‍പ്പാണ് നല്‍കിയത്. ജിദ്ദയിലാണ് ആദ്യ ഹജജ് വിമാനം എത്തിയത്. ബംഗ്ലാദേശില്‍നിന്നുള്ള ഹാജിമാരായിരുന്നു ജിദ്ദ വിമാനത്താവളത്തില്‍ ആദൃം എത്തിയത്. അതേസമയം ഇന്തൃയില്‍നിന്നുള്ള ഹാജിമാരുടെ ആദ്യ സംഘം പുലര്‍ച്ചെ മദീനയില്‍ എത്തിച്ചേര്‍ന്നു.

പ്രാദേശിക സമയം പുലര്‍ച്ചെ 3.40ന് ഡല്‍ഹിയില്‍നിന്നുള്ള ഇന്തൃന്‍ ഹാജിമാരുടെ സംഘമാണ് മദീനയില്‍ എത്തിച്ചേര്‍ന്നത്. എയര്‍ ഇന്ത്യ വിമാനത്തില്‍ എത്തിയ 419 തീര്‍ത്ഥാടകരടങ്ങുന്ന ആദ്യ സംഘത്തെ ഇന്ത്യന്‍ ഹജ്ജ് മിഷന്‍ നേതൃത്വത്തില്‍ ഉജ്ജ്വല സ്വീകരണം നല്‍കി. ഇന്ത്യന്‍ അംമ്പാസിഡര്‍ ഔസാഫ് സഈദ്, കോണ്‍സുല്‍ ജനറല്‍ മുഹമ്മദ് നൂര്‍ റഹ്മാന്‍ ശൈഖ് എന്നിവര്‍ ചേര്‍ന്നാണ് മദിന വിമാനത്താവളത്തില്‍ ഇന്തൃന്‍ ഹാരിമാരെ സ്വീകരിച്ചത്. ഹജജ് കോണ്‍സല്‍ യുഖൈബാം സാബിര്‍, ഇന്തൃന്‍ ഹജജ് മിഷന്‍ മദീന ഇന്‍ ചാര്‍ജ് ശിഹാബുദ്ധീന്‍ എന്നിവരും വിമാനത്താവളത്തില്‍ ഹാജിമാരെ സ്വീകരിക്കാനുണ്ടായിരുന്നു. മദീനയിലെ മലയാളി സന്നദ്ധ സംഘടനകളായ കെ.എം.സി.സി, ഹജജ് വെല്‍ഫെയര്‍ ഫോറം എന്നിവരും ഹാജിമാരെ സ്വീകരിക്കാന്‍ വിമാനത്താവളത്തില്‍ ഉണ്ടായിരുന്നു.

മദീനയിലെ മസ്ജിദുന്നബവിക്കടുത്തുള്ള മര്‍ക്കസിയ്യയിലെ വിവിധ ഹോട്ടലുകളിലാണ് ഇന്നെത്തിയ ഇന്തൃന്‍ ഹാജിമാര്‍ക്ക് താമസ സൗകരൃം ഒരുക്കിയിട്ടുള്ളത്. മദീനയില്‍ ഹാജിമാര്‍ക്ക് താമസ കേന്ദ്രങ്ങള്‍ നേരത്തെ അറിയിച്ചു തുടങ്ങിയത് ഈ വര്‍ഷം മുതലാണ്. നേരത്തെ മക്കയിലെ താമസ കേന്ദ്രങ്ങള്‍ മാത്രമായിരുന്നു അറിയിച്ചിരുന്നത്. മദീനയില്‍ ഇവിടെ എത്തിയ ശേഷം ഓരോ കെട്ടിടത്തിലേക്ക് മാറ്റുകയായിരുന്നു പതിവ്.

പത്തോളം വിമാനങ്ങളാണ് ഇന്തൃയുടെ വിവിധ ഭാഗങ്ങളില്‍നിന്നും ഹാജിമാരുമായി ഇന്നെത്തുന്നത്. ഡല്‍ഹി കൂടാതെ ഗയ, ശ്രിനഗര്‍, ഗുവാഹത്തി എന്നിവിടങ്ങളില്‍നിന്നുള്ള ഇന്തൃന്‍ ഹാജിമാരും മദീനയില്‍ ഇന്നെത്തുന്നത്. മൊത്തം രണ്ട് ലക്ഷം ഇന്തൃന്‍ ഹാജിമാരാണ് ഈ വര്‍ഷം ഹജജു കര്‍മ്മത്തിന് ഇന്തൃയില്‍നിന്നും എത്തുക