അലനല്ലൂര്‍: തെയ്യോട്ടുച്ചിറ കെ.എം.ഐ സി. ഹൈസ്‌കൂളിന്റെ പുതുതായി നിര്‍മിച്ച കെട്ടിടത്തിന്റെ ഉദ്ഘാടനം കേരള വഖഫ് ബോര്‍ഡ് ചെയര്‍മാന്‍ സയ്യിദ് റഷീദലി ശിഹാബ് തങ്ങള്‍ നിര്‍വഹിച്ചു. സയ്യിദ് ഉണ്ണി കോയ തങ്ങള്‍ കുരുവമ്പലം അധ്യക്ഷനായി. കെ. ആലികുട്ടി മുസ്‌ലിയാര്‍ മുഖ്യപ്രഭാഷണം നടത്തി. മുസ്തഫ അശ്‌റഫി കക്കുപ്പടി സ്വഗതം പറഞ്ഞു. സ്മാര്‍ട്ട് ക്ലാസ്‌റൂം ഉദ്ഘാടനം മഞ്ഞളാംകുഴി അലിയും ലൈബ്രറി ഉദ്ഘാടനം അഡ്വ. എന്‍ ഷംസുദ്ധീനും, ഐ.ടി ലാബ് ഉദ്ഘാടനം എ.കെ മുസ്തഫ താഴേക്കോട് നിര്‍വഹിച്ചു.
എ.കെ നാസര്‍, ഒ.കെ.എം മൗലവി, പി.കെ മൊയ്തീന്‍ മുസ്‌ലിയാര്‍, മുഹമ്മദാലി മുസ്‌ലിയാര്‍, ഷറഫുദ്ധീന്‍, കെ.കെ ബക്കര്‍ ദാരിമി, പി.കെ സമദ് ഫൈസി പ്രസംഗിച്ചു. അബ്ദു മാസ്റ്റര്‍ നന്ദിയും പറഞ്ഞു. ഉച്ചക്ക് ശേഷം ഹയാത്തുല്‍ ഇസ്‌ലാം സംഘം. മഹല്ല് കമ്മിറ്റിയുടെ അഭിമുഖ്യത്തില്‍ നടന്ന ഉദ്‌ബോധന സദസില്‍ മുസ്ഥഫ ദാരിമി അടിവാരം ക്ലാസെടുത്തു.