പാവറട്ടി: വിളക്കാട്ടു പാടം ദേവസൂര്യ കലാവേദി പബ്ലിക് ലൈബ്രറിയിലെ ബാലവേദിയുടെ നേതൃത്വത്തില്‍ നടത്തിയ രണ്ടു ദിവസത്തെ വേനല്‍മഴ ക്യാംപിന് പഠനയാത്രയോടെ സമാപനം ജിഷോ എസ് പുത്തൂരിന്റെ പ്രഥമ ശുശ്രൂഷക്ലാസും ,സരീഷ് അല്‍മിത്രയുടെ നാടന്‍ പാട്ടിന്റെ ക്ലാസും കുട്ടികള്‍ക്ക് പുതിയ അനുഭവമായി. പഠന യാത്രയില്‍ അഴിമുഖം, ബ്ലാങ്ങാട് കടപ്പുറം എന്നിവ സന്ദര്‍ശിച്ച കുട്ടികള്‍ മല്‍സ്യബന്ധന ബോട്ടുകളും മറ്റ് ഉപകരണങ്ങളും പരിചയപെട്ടു.
കുട്ടികള്‍ മത്സ്യതൊഴിലാളികളുമായി മത്സ്യ ബന്ധനത്തെ സംബന്ധിച്ച് സംവദിച്ചു. ഗുരുവായുര്‍ എസ്.ഐ ബിജു ഉദ്ഘാടനം ചെയ്ത ക്യാംപിന് റെജിവിളക്കാട്ടു പാടം, കെ.സി അഭിലാഷ്, ടി.ക്കെ സുരേഷ്, ദാമോദര്‍ മാമ്പള്ളി എന്നിവര്‍ നേതൃത്വം നല്‍കി.