തൃശൂര്‍: സമസ്ത കേരള ജംഇയ്യത്തുല്‍ ഉലമ തൃശൂര്‍ ജില്ലാ പ്രസിഡന്റായി സമസ്ത കേന്ദ്ര മുശാവറ അംഗവും പ്രമുഖ പണ്ഡിതനുമായ ശൈഖുന ചെറുവാളൂര്‍ ഹൈദ്രോസ് മുസ്‌ലിയാരെ തെരഞ്ഞെടുത്തതായി സമസ്ത കേന്ദ്ര കമ്മിറ്റി പ്രസിഡന്റ് സയ്യിദ് ജിഫ്‌രിമുത്തകോയ തങ്ങള്‍ പ്രഖ്യപിച്ചു. കേന്ദ്ര മുശാവറ അംഗവും ജില്ലാ പ്രസിഡന്റുമായിരുന്ന എസ്.എം.കെ.തങ്ങളുടെ മരണത്തെ തുടര്‍ന്നാണ് ചെറുവാളൂര്‍ ഹൈദ്രോസ് മുസ്‌ലിയാരെ പുതിയ പ്രസിഡന്റായി തെരഞ്ഞെടുത്തത്.
വര്‍ക്കിങ് പ്രസിഡന്റായി വി.എം അബ്ദുല്‍ നാസര്‍ ഫൈസി തിരുവത്രയെയും വൈസ് പ്രസിഡന്റായി പി.എസ് മുഹമ്മദ് കുട്ടി ബാഖവി അരിയന്നൂരിനെയും തെരഞ്ഞെടുത്തു.
ജിഫ്‌രി മുത്തു കോയ തങ്ങളുടെ സാന്നിധ്യത്തില്‍ ചേര്‍ന്ന ജില്ലാ മുശാവറ യോഗം കേന്ദ്ര മുശാവറ അംഗവും ജില്ലാ ജനറല്‍ സെക്രട്ടറിയുമായ എം .എം മുഹിയദ്ധീന്‍ മുസ്‌ലിയാര്‍ ഉദ്ഘാടനം ചെയ്തു.
ചെറുവാളൂര്‍ ഹൈദ്രോസ് മുസ്‌ലിയാര്‍ അധ്യക്ഷനായി.പി.ടി കുഞ്ഞിമുഹമ്മദ് മുസ്‌ലിയാര്‍, ഓണംപിള്ളി മുഹമ്മദ് ഫൈസി, അബ്ദുള്‍ കരീം ഫൈസി പൈങ്കണ്ണിയൂര്‍, ഷറഫുദ്ധീന്‍ മൗലവി വേന്മേനാട്, ഇല്യാസ് ഫൈസി തുടങ്ങി നേതാക്കള്‍ സംബന്ധിച്ചു. ജില്ലാ വര്‍ക്കിങ് സെക്രട്ടറി ബഷീര്‍ ഫൈസി ദേശമംഗലം സ്വാഗതവും നാസര്‍ ഫൈസി തിരുവത്ര നന്ദിയും പറഞ്ഞു.