കയ്പമംഗലം: കയ്പമംഗലം സെഞ്ച്വറി ക്ലബ്ബിന്റെ ആഭിമുഖ്യത്തില്‍ ഇരുപത്തിഒമ്പതാം വാര്‍ഷികാഘോഷം സംഘടിപ്പിച്ചു. ഇരിങ്ങാലക്കുട എം.എല്‍.എ പ്രൊഫ. കെ.യു.അരുണന്‍ വാര്‍ഷികാഘോഷം ഉദ്ഘാടനം ചെയ്തു. ഇ.ടി ടൈസന്‍ മാസ്റ്റര്‍ എം.എല്‍.എ അധ്യക്ഷനായി. സംവിധായകന്‍ ഉദയ് ആനന്ദന്‍, സംഗീത സംവിധായകന്‍ ശ്യാം ധര്‍മ്മന്‍ എന്നിവര്‍ മുഖ്യാതിഥികളായി. കയ്പമംഗലം ഗ്രാമപഞ്ചായത്ത് പ്രസിഡന്റ് ടി.വി സുരേഷ് നിര്‍ധനരായ രോഗികള്‍ക്കുള്ള ധനസഹായ വിതരണവും, പെരിഞ്ഞനം ഗ്രാമപഞ്ചായത്ത് പ്രസിഡന്റ് കെ.കെ സച്ചിത്ത് ഫിഷറീസ് സ്‌കൂളിലേക്കുള്ള പഠനോപകരണ വിതരണവും നടത്തി. ബി.എസ് ശക്തീധരന്‍, പി.ടി.രാമചന്ദ്രന്‍, കെ.എഫ്.ഡൊമനിക്, അശോകന്‍ പാണാട്ട്, കെ.കെ.അഫ്‌സല്‍, ടി.എസ്.സുനില്‍ കുമാര്‍ എന്നിവര്‍ സംസാരിച്ചു.