കൊപ്പം: കടയില്‍നിന്ന് വാങ്ങിയ ചോക്ലേറ്റില്‍ പുഴുവിനെ കണ്ടെത്തി. എടപ്പലം പി.ടി.എം ഹൈസ്‌കൂളിന് സമീപത്തെ കടയില്‍നിന്ന് ഓട്ടോ ഡ്രൈവറായ വിളയൂര്‍ കുപ്പൂത്ത് ജാസര്‍ വാങ്ങിയ 'റിച്ച് മില്‍ക്' ചോക്ലേറ്റില്‍നിന്നാണ് ഒന്നിലധികം പുഴുക്കളെ കണ്ടെത്തിയത്. വീട്ടിലെത്തി കുട്ടികള്‍ക്ക് നല്‍കാന്‍ വേണ്ടി കവര്‍ മാറ്റിയയുടനെ അസ്വഭാവികത കണ്ടെതിനെ തുടര്‍ന്ന് പൊട്ടിച്ച് നോക്കിയപ്പോഴാണ് പുഴുവിനെ കണ്ടതെന്ന് ജാസര്‍ പറഞ്ഞു. ഉല്‍പാദന തിയതി ഈ വര്‍ഷം ജനുവരിയും ഡിസംബര്‍ വരെ കാലാവധിയും കവറില്‍ കാണിക്കുന്നുണ്ട്.