നടുവണ്ണൂര്‍: കോഴിക്കോട് പാര്‍ലമെന്റ് മണ്ഡലത്തിലെ 2017 വര്‍ഷത്തില്‍ വിജയികളായ ഹയര്‍ സെക്കന്‍ഡറി, വൊക്കേഷനല്‍ ഹയര്‍ സെക്കന്‍ഡറി വിദ്യാര്‍ഥികളെ അനുമോദിക്കുന്നതിന്റെ ഭാഗമായി ബാലുശ്ശേരി മണ്ഡലത്തില്‍'വൈബ്രന്റ് കോഴിക്കോട്' പരിപാടി ഇന്നു നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. പ്ലസ്ടു പാസായ മുഴുവന്‍ വിദ്യാര്‍ഥികളും ഇന്ന് ഉച്ചയ്ക്കു 1.30 നു നടുവണ്ണൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ എത്തണം. പരിപാടി എം.കെ രാഘവന്‍ എം.പിയുടെ ആധ്യക്ഷതയില്‍ കല്‍പറ്റ നാരായണന്‍ ഉദ്ഘാടനം ചെയ്യും. ഇന്റര്‍നാഷനല്‍ ട്രെയിനര്‍ കെ.പി രാജീവന്‍ ക്ലാസെടുക്കും. വിദ്യാര്‍ഥികള്‍ മാര്‍ക്ക് ലിസ്റ്റിന്റെ കോപ്പി കരുതണം.
    സ്വാഗതസംഘം ഭാരവാഹികളായ കെ. രാജീവന്‍, ഒ.എം രാജന്‍ മാസ്റ്റര്‍, ഇ. പ്രദീപ് കുമാര്‍, വി.കെ ബാബുരാജ്, മനോജ് അഴകത്ത്, പി. രാമചന്ദ്രന്‍, പി. മധുസൂദനന്‍ വാര്‍ത്താസമ്മേളനത്തില്‍ സംബന്ധിച്ചു.