മുക്കം: മുസ്‌ലിം യൂത്ത് ലീഗ് മുന്‍ സംസ്ഥാന ട്രഷറര്‍ പി.എം ഹനീഫിന്റെ സ്മരണക്കായി തിരുവമ്പാടി നിയോജക മണ്ഡലം മുസ്‌ലിം യൂത്ത് ലീഗ് സംഘടിപ്പിച്ച പി.എം ഹനീഫ് സ്മാരക ഏകദിന ഫൈവ്‌സ് ഫുട്‌ബോള്‍ ടൂര്‍ണമെന്റില്‍ സിന്‍സിയര്‍ യുനൈറ്റഡ് എരഞ്ഞിമാവ് ജേതാക്കളായി.
കെ.വി അബ്ദുറഹ്മാന്‍ വിന്നേഴ്‌സ് ട്രോഫി സമ്മാനിച്ചു. വി.പി.എ ജലീല്‍ അധ്യക്ഷനായി. റണ്ണറപ്പായ യുനൈറ്റഡ് എഫ്.സി പൊന്നാടിന് ബ്ലോക്ക് പഞ്ചായത്ത് വൈസ് പ്രസിഡന്റ് കെ.പി അബ്ദുറഹ്മാനും, വിന്നേഴ്‌സ് പ്രൈസ് മണി തടായില്‍ മുഹമ്മദും, റണ്ണേഴ്‌സ് പ്രൈസ് മണി മണ്ണില്‍ മുഹമ്മദും സമ്മാനിച്ചു.
സലാം തേക്കുംകുറ്റി , എം.ടി സൈദ് ഫസല്‍, റാഫി മുണ്ടുപാറ, നിസാം കാരശ്ശേരി, നാസര്‍ തേക്കുംതോട്ടം, ഷരീഫ് അക്കരപറമ്പില്‍, ഫസല്‍ കൊടിയത്തൂര്‍, എം. അബദു മാസ്റ്റര്‍, ഖമറുല്‍ മാസ്റ്റര്‍, ടി.പി മന്‍സൂര്‍ സംസാരിച്ചു