പെരുമ്പാവൂര്‍: ഇന്നസെന്റ് എം.പിയുടെ പ്രാദേശിക വികസന ഫണ്ട് ഉപയോഗിച്ച് നടപ്പാക്കുന്ന ശ്രദ്ധ കാന്‍സര്‍ പ്രതിരോധ പദ്ധതിയുടെ ഭാഗമായി പണികഴിപ്പിച്ച പെരുമ്പാവൂര്‍ താലൂക്ക് ആശുപത്രിയിലെ  മാമോഗ്രാം യൂനിറ്റ് ഇന്നസെന്റ് എം.പി ഉദ്ഘാടനം നിര്‍വഹിച്ചു.
എല്‍ദോസ് കുന്നപ്പിളളി  എം.എല്‍.എ  അള്‍ട്രാസൗണ്ട് സ്‌കാനിങ് ഉദ്ഘാടനം ചെയ്തു. മുനിസിപ്പല്‍ ചെയര്‍പേഴ്‌സണ്‍ സതി ജയകൃഷ്ണന്‍ അധ്യക്ഷത വഹിച്ചു.
യു.ഡി.എഫ് കണ്‍വീനര്‍ പി.പി തങ്കച്ചന്‍ മുഖ്യാതിഥിയായും മുന്‍ എം.എല്‍.എ സാജു പോള്‍ വിശിഷ്ടാധിതിയായും പങ്കെടുത്തു.
മുന്‍ മുനിസിപ്പല്‍ ചെയര്‍മാന്‍മാരായ കെ.എം.എ സലാം, ഡോ. കെ.എ ഭാസ്‌കരന്‍, അഡ്വ. എന്‍.സി മോഹനന്‍, ജില്ലാ പഞ്ചായത്തംഗം ശാരദ മോഹന്‍, താലൂക്ക് ആസ്പത്രി സൂപ്രണ്ട് ഡോ.സുമ, കൗണ്‍സിലര്‍ ബിജു ജോണ്‍ ജേക്കബ്, കെ.ഇ നൗഷാദ്, പി.കെ സോമന്‍, ഉമ്മര്‍ കോട്ടയില്‍, എസ്.വി ദിനേശ്, ധന്യ ലെജു, സുലേഖ ഗോപാലകൃഷ്ണന്‍ എന്നിവര്‍ സംബന്ധിച്ചു.