ഗൂഡല്ലൂര്‍: ജനങ്ങളുടെ എതിര്‍പ്പ് അവഗണിച്ച് തുറക്കപ്പെട്ട കാളംപുഴ, ബാര്‍വുഡ്, പാടന്തറ, പന്തല്ലൂര്‍ എന്നീ സ്ഥലങ്ങളില്‍ തുടങ്ങിയ ബാറുകള്‍ പൂട്ടണമെന്നാവശ്യപ്പെട്ട് വിടുതലൈ ശിറുതൈ പാര്‍ട്ടിയുടെ നേതൃത്വത്തില്‍ മദ്യശാലക്ക് മുന്നില്‍ സമരം നടത്തി.
കാളംപുഴയില്‍ നടത്തിയ സമരം നീലഗിരി ജില്ലാ സെക്രട്ടറി സഹദേവന്‍ ഉദ്ഘാടനം ചെയ്തു.
തൂയില്‍മേഘം ഗൂഡല്ലൂര്‍  അധ്യക്ഷനായി. കടകള്‍ പൂട്ടുന്നത് വരെ സമരം തുടരുമെന്ന് ജില്ലാ സെക്രട്ടറി വാര്‍ത്താ സമ്മേളനത്തില്‍ അറിയിച്ചു. തുടര്‍ന്ന് പൊലിസ് സമരക്കാരെ അറസ്റ്റ് ചെയ്ത് നീക്കി. കൊക്കോക്കാട്, കാളംപുഴ, പറവണവയല്‍, ചവിടിപേട്ട എന്നീ സ്ഥലങ്ങളില്‍ നിന്നും പൊതു ജനങ്ങള്‍ നാളെ കാളം പുഴയിലെ മദ്യഷാപ്പിന് മുന്നില്‍ സമരം നടത്തും.