റിയാദ്: വേള്‍ഡ് ബോക്‌സിംഗ് സൂപ്പര്‍ സീരീസ് ഫൈനല്‍ വെള്ളിയാഴ്ച ജിദ്ദയില്‍ അരങ്ങേറും. ജോര്‍ജ് ഗ്രോവ്‌സും കാലം സ്മിത്തും തമ്മിലാണ് 12 റൗണ്ട് മത്സരതില്‍ ഏറ്റുമുട്ടുക.

സൂപ്പര്‍ മിഡില്‍വെയ്റ്റില്‍ അലി ട്രോഫിക്കു വേണ്ടിയാണ് ഇവര്‍ പോരാടുക. വിജയിക്ക് മുഹമ്മദലി ട്രോഫിയും പത്ത് മില്യന്‍ ഡോളറുമാണ് സമ്മാനം.

ലോക ബോക്‌സിങ് സൂപ്പര്‍ സീരിസ് ഓര്‍ഗനൈസറും കൊമോസ എ ജിയും സഊദി ജനറല്‍ സ്‌പോര്‍ട്‌സ് അതോറിറ്റിയും തമ്മില്‍ ലണ്ടനില്‍ ഒപ്പുവച്ച കരാര്‍ പ്രകാരമാണ് സഊദിയില്‍ ബോക്‌സിങ്അരങ്ങേറുന്നത്.

വെളളിയാഴ്ചത്തെ പോരാട്ടത്തില്‍ ഗ്രോവ്‌സിന് ഡബ്ല്യു.ബി.എ സൂപ്പര്‍ വേള്‍ഡ് കിരീടം നിലനിര്‍ത്തണം. നിക്കി ഹോള്‍സ്‌കന്‍, എറിക് സ്‌കോഗ്‌ലന്റ് എന്നിവരെ തോല്‍പിച്ചാണ് കാലം സ്മിത്ത് ഫൈനലില്‍ സ്ഥാനം പിടിച്ചത്. ജിദ്ദ കിംഗ് അബ്ദുള്ള സിറ്റിയിലെ അല്‍ജൗഹറ സ്റ്റേഡിയത്തിലാണ് മത്സരം അരങ്ങേറുന്നത്.