വളപട്ടണം: വളപട്ടണം വെസ്റ്റേണ്‍ ഇന്ത്യ പ്ലൈവുഡ്‌സിനു സമീപം പൂതപ്പാറ റോഡിലേക്ക് പ്രവേശിക്കുന്നിടത്ത് റോഡിനു നടുവില്‍ ഗര്‍ത്തം രൂപപ്പെട്ടത് വാഹനങ്ങള്‍ക്ക് ഭീഷണിയാകുന്നു. പൊട്ടിപൊളിഞ്ഞ റോഡിന് നടുവിലായാണ് ഗര്‍ത്തം രൂപപ്പെട്ടിരിക്കുന്നത്. ഇത് ഇടിഞ്ഞ് വികസിച്ചാല്‍ അപകട സാധ്യത വര്‍ധിക്കുന്നതിന് കാരണമാകും. ഭാരം കയറ്റിയുള്ള വാഹനങ്ങളും ഇതുവഴി കടന്നു പോകാറുണ്ട്. റോഡില്‍ രൂപപ്പെട്ട കുഴിയടച്ച് അറ്റക്കുറ്റപ്പണി നടത്തുന്നതിന് അധികൃതര്‍ അടിയന്തിര നടപടി സ്വീകരിക്കണമെന്ന് നാട്ടുകാര്‍ പറഞ്ഞു.