കൊടുങ്ങല്ലൂര്‍ (തൃശൂര്‍): രാജ്യ സേവനത്തിന്റെ കരുത്തുമായി മുന്‍ സൈനികന്‍ തെരഞ്ഞെടുപ്പ് ഗോദയില്‍. എറിയാട് പഞ്ചായത്തിലെ അഞ്ചാം വാര്‍ഡില്‍ എല്‍.ഡി.എഫ് സ്ഥാനാര്‍ഥിയായ പ്രഥമ കുമാര്‍ പതിനേഴ് വര്‍ഷത്തെ സൈനിക സേവനത്തിന് ശേഷമാണ് രാഷ്ട്രീയത്തില്‍ പയറ്റാനിറങ്ങുന്നത്.
കരസേനയുടെ സിഗ്‌നല്‍ വിഭാഗത്തില്‍ ഓപ്പറേറ്ററായിരുന്നു പ്രഥമ കുമാര്‍.
നാട്ടില്‍ മടങ്ങിയെത്തിയ ശേഷം ചെറുപ്പക്കാര്‍ക്കു വേണ്ടി കായിക പരിശീലനവും പ്രായമായവര്‍ക്കായി ജീവിതശൈലീ രോഗനിര്‍ണയ ക്ലിനിക്കും നടത്തി വരികയാണ്. ഇസ്ഹാഖ് ഹുസൈനാണ് ഇവിടെ യു.ഡി.എഫ് സ്ഥാനാര്‍ഥി. രസന വിനോദ് ബി.ജെ.പി സ്ഥാനാര്‍ഥിയാണ്.