ന്യൂഡല്‍ഹി: പുതിയ 1,2,5,10,20 രൂപയുടെ നാണയങ്ങള്‍ ഉടനെ ജനങ്ങള്‍ക്ക് ലഭ്യമാക്കുമെന്ന് ധനമന്ത്രി നിര്‍മല സിതാരാമന്‍. ബജറ്റ് അവതരണത്തിനിടെയാണ് അവര്‍ ഇക്കാര്യം അറിയിച്ചത്.

മൂല്യം കൂടും തോറും ഭാരവും കൂടുന്ന തരത്തിലാണ് നാണയങ്ങള്‍ രൂപകല്പന ചെയ്തിരിക്കുന്നത്. അതുവഴി അന്ധരായവര്‍ക്ക് വളരെ എളുപ്പത്തില്‍ തിരിച്ചറിയാന്‍ സാധിക്കും.

2019 മാര്‍ച്ച് ഏഴിന് പുതിയ 1,2,5,10,20 രൂപയുടെ നാണയങ്ങള്‍ പ്രധാനമന്ത്രി നരേന്ദ്ര മോദി പുറത്തു വിട്ടിരുന്നു. എന്നാല്‍ ഇതുവരെ ജനങ്ങളില്‍ വിനിമയത്തിന് എത്തിയിരുന്നില്ല. ഉടന്‍ തന്നെ നാണയങ്ങള്‍ ജനങ്ങള്‍ക്ക് ലഭ്യമാക്കുമെന്ന് ധനമന്ത്രി ബജറ്റ് പ്രസംഗത്തിനിടെ അറിയിച്ചു.

ഇതാദ്യമായാണ് 20 രൂപയുടെ നാണയം പുറത്തിറക്കുന്നത്. 12 വശങ്ങളോടെയാണ് ഇരുപത് രൂപ നാണയം ഇറങ്ങുക. മറ്റു നാണയങ്ങളെല്ലാം വൃത്താകൃതിയിലാണ്.