തൊടുപുഴ:  വിവിധ ആവശ്യങ്ങള്‍ ഉന്നയിച്ച് ഇന്ന്  ബാങ്ക് ജീവനക്കാര്‍ നടത്തുന്ന പണിമുടക്ക് വിജയിപ്പിക്കാന്‍ യുനൈറ്റഡ് ഫോറം ഓഫ് ബാങ്ക് യൂണിയന്‍സ് (യു.എഫ്.ബി.യു) ജില്ലാ കമ്മിറ്റി തീരുമാനിച്ചു.
ജനവിരുദ്ധമായ പരിഷ്‌കാരങ്ങള്‍ കേന്ദ്രസര്‍ക്കാര്‍ ഉപേക്ഷിക്കുക, പൊതുമേഖല  ബാങ്കുകളെ സംരക്ഷിക്കുക,  ട്രേഡ് യൂണിയന്‍ അവകാശങ്ങള്‍ നിലനിര്‍ത്തുക, ബാങ്ക് ലയനങ്ങള്‍ വേണ്ടെന്ന് വയ്ക്കുക, കോര്‍പ്പറേറ്റ് കിട്ടാക്കടങ്ങള്‍ക്ക് അറുതിവരുത്തുക തുടങ്ങിയ  ആവശ്യങ്ങള്‍ ഉന്നയിച്ചാണ് ഓഫിസര്‍മാര്‍ അടക്കമുള്ള  ബാങ്ക് ജീവനക്കാര്‍ പണിമുടക്കുന്നത്.
തൊടുപുഴ എ.ഐ.ബി.ഇ.എ ഭവനില്‍ ചേര്‍ന്ന യോഗത്തില്‍ ജില്ലാ കണ്‍വീനര്‍ പി കെ ജബ്ബാര്‍ അധ്യക്ഷനായി. സനില്‍ ബാബു (ബെഫി), ജോജോ പോള്‍ (ഐ.ബി.ഇ.എ), എം.കെ  ബാബു (എ.ഐ.ബി.ഒ.സി), ടി.ജെ പോള്‍ (എ.ഐ.ബി.ഒ.യു) ദിലീപ് (എന്‍.സി.ബി.ഇ) എന്നിവര്‍ സംസാരിച്ചു.
പണിമുടക്കുന്ന ജീവനക്കാര്‍ ഇന്ന് രാവിലെ പത്തിന് എസ്ബിടി മെയിന്‍ ശാഖയ്ക്ക് മുമ്പില്‍ ധര്‍ണനടത്തും. സിപിഐ ജില്ലാ സെക്രട്ടറി കെ കെ ശിവരാമന്‍ ഉദ്ഘാടനം ചെയ്യും.