വളാഞ്ചേരി: ഇരിമ്പിളിയം ഗ്രാമപഞ്ചായത്തിലെ സര്‍ക്കാര്‍ മൃഗാശുപത്രിക്ക് സ്വന്തം കെട്ടിടമായി. 31 വര്‍ഷത്തിലധികമായി വാടകക്കെട്ടിടത്തില്‍ പ്രവര്‍ത്തിച്ചുവന്ന ഇരിമ്പിളിയം ഗ്രാമപഞ്ചായത്തിലെ സര്‍ക്കാര്‍ മൃഗാശുപത്രിക്കായി പണി പൂര്‍ത്തീകരിച്ച പുതിയ കെട്ടിടത്തിന്റെ ഉദ്ഘാടനം ജില്ലാ പഞ്ചായത്ത് മെമ്പര്‍ സലിം കുരുവമ്പലം നിര്‍വഹിച്ചു.
 ഗ്രാമപഞ്ചായത്ത് പ്രസിഡന്റ് കെ.ടി.ഉമ്മുക്കുല്‍സു ടീച്ചര്‍ അധ്യക്ഷയായി. 21 ലക്ഷം രൂപ ജില്ലാ പഞ്ചായത്തും ഏഴ് ലക്ഷം രൂപ ഗ്രാമപഞ്ചായത്തുമാണ് 2016-17 വികസന പദ്ധതിയില്‍ ഉള്‍പ്പെടുത്തി നിര്‍മാണം പൂര്‍ത്തീകരിച്ചത്.
വൈ.പ്രസിഡന്റ് വി.ടി.അമീര്‍ ഡോ.മഹേഷിന് താക്കോല്‍ കൈമാറി. സി.പി.ഉമ്മുകുല്‍സു, വി.കെ.റജുല, എന്‍.ഉമ്മുക്കുല്‍സു, എന്‍.മുഹമ്മദ്, എ അബൂബക്കര്‍ ,പ്രവീണ രാജു.പി.ടി.ഷംല, ഡോ.മീരാ മോഹന്‍ദാസ്, കെ.മൊയ്തീന്‍ കുട്ടി മാസ്റ്റര്‍, ഡോ. പി. എ.റഹീം', സി.മുസ്തഫ ,എ.പി.നാരായണന്‍ മാസ്റ്റര്‍ സംസാരിച്ചു.