പീരുമേട് : ഉപതെരഞ്ഞെടുപ്പ് നടന്ന കൊക്കയാര്‍ ഗ്രാമപഞ്ചായത്തിലെ മുളംകുന്ന് വാര്‍ഡില്‍ 85 ശതമാനം പോളിങ് നടന്നു. 857 വോട്ടര്‍മാരില്‍ 734 വോട്ടര്‍മാര്‍ വോട്ട് രേഖപ്പെടുത്തി.
വോട്ടെടുപ്പില്‍ അനിഷ്ട സംഭവങ്ങള്‍ ഉണ്ടായില്ല. മഴ മാറിനിന്ന് കനത്ത വെയില്‍ രാവിലെ മുതല്‍ ഉണ്ടായിട്ടും വോട്ടെടുപ്പ് മന്ദഗതിയിലാണ് നടന്നത്. ഉച്ചക്ക് 12 ന് ശേഷമാണ് വോട്ടിങ് ശതമാനം ഉയര്‍ന്നത്. ഇന്ന് പീരുമേട് മരിയാഗിരി സ്‌കൂളില്‍ രാവിലെ 8 ന് വോട്ടെണ്ണല്‍ ആരംഭിക്കും. 8.15 ന് മുമ്പ് വിജയിയെ അറിയാന്‍ സാധിക്കും. 13 അംഗ ഭരണ സമിതിയില്‍  ഇരു മുന്നണികള്‍ക്കും 6 അംഗങ്ങള്‍ വീതമാണുള്ളത്.
മുളംകുന്നില്‍ വിജയം നിലനിര്‍ത്തിയാല്‍ യു.ഡി.എഫിന് ഭരണം നിലനിര്‍ത്താനാകും. എല്‍.ഡി.എഫിലെ സി.പി.എം സ്വതന്ത്രന്‍ തോമസ് ലൂക്കോസ് എന്നിവര്‍ തമ്മിലാണ് മത്സരം. എന്‍.ഡി.എ സ്ഥാനാര്‍ഥി അനീഷ് വാലുപറമ്പില്‍, പി.സി ജോര്‍ജ്ജ് എം.എല്‍.എയുടെ ജനപക്ഷ പാര്‍ട്ടിയുടെ ജോസഫ് ജേക്കബ്, രണ്ട് സ്വതന്ത്രന്‍മാരും മത്സര രംഗത്തുണ്ട്.