കൊണ്ടോട്ടി: വര്‍ഷങ്ങളുടെ കാത്തിരിപ്പിനൊടുവില്‍ കരിപ്പൂര്‍ ഹജ്ജ് ഹൗസിനോട് ചേര്‍ന്ന് വനിതാ ഹജ്ജ് കേന്ദ്രത്തിന് ഇന്ന് മുഖ്യമന്ത്രി തറക്കല്ലിടും. മൂന്ന് നിലകളിലായി നിലവിലെ ഹജ്ജ് ഹൗസ് കെട്ടിടത്തോട് ചേര്‍ന്ന് എട്ട് കോടി ചെലവിലാണ് പുതിയ കേന്ദ്രം നിര്‍മിക്കുന്നത്. കെട്ടിട നിര്‍മാണത്തിന് സര്‍ക്കാര്‍ ഫണ്ട് അനുവദിച്ചിട്ടുണ്ട്.

വര്‍ഷങ്ങളായി കരിപ്പൂരില്‍ വനിതാ ഹജ്ജ് ബ്ലോക്ക് നിര്‍മാണം ആലോചനയിലുണ്ടെങ്കിലും പദ്ധതി നടന്നിരുന്നില്ല.
കരിപ്പൂരിലെ ഹജ്ജ് ക്യാംപ് താല്‍ക്കാലികമായി മാറ്റിയതോടെ ചര്‍ച്ചകളും ഉണ്ടായില്ല. പിന്നീട് കരിപ്പൂര്‍ ഹജ്ജ് എംബാര്‍ക്കേഷന്‍ പോയിന്റായി പ്രഖ്യാപിച്ചതോടെയാണ് വനിതാ ബ്ലോക്ക് വീണ്ടും സജീവ ചര്‍ച്ചയായത്.