പെരിന്തല്‍മണ്ണ: ആലിപ്പറമ്പ് പഞ്ചായത്ത് എസ്.എം.എഫിനു കീഴില്‍ ആനമങ്ങാട് മുഴന്നമണ്ണയില്‍ പ്രവര്‍ത്തിക്കുന്ന ഇ.കെ കുഞ്ഞിമൊയ്തു ഹാജി സ്മാരക തഹ്ഫീളുല്‍ ഖുര്‍ആന്‍ കോളജില്‍നിന്ന് ഖുര്‍ആന്‍ മനപാഠമാക്കിയ പെണ്‍കുട്ടികള്‍ക്കുള്ള സനദ് ദാനം നാളെ നടക്കും.
തൂത പി മുഹമ്മദ് അലി ഫൈസിയുടെ മകള്‍ അലൂഫ, പാറല്‍ ടി അബ്ദുറസാഖ് മാസ്റ്ററുടെ മകള്‍ ഫാത്തിമ റിള,  ആക്കോട് അബ്ദുറഷീദിന്റെ മകള്‍ മുബശ്ശിറ എന്നിവരാണ് ഖുര്‍ആന്‍ മനപാഠമാക്കിയത്.
നാളെ വൈകീട്ട് ഏഴിന് നടക്കുന്ന ചടങ്ങ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും.
സമസ്ത ജില്ലാ സെക്രട്ടറി പി കുഞ്ഞാണി മുസ്്‌ലിയാര്‍, ഹാജി കെ മമ്മദ് ഫൈസി, ആനമങ്ങാട് അബ്ദുറഹ്മാന്‍ മുസ്്‌ലിയാര്‍, ഒ.കെ.എം മൗലവി പങ്കെടുക്കും. 25ന് നടക്കുന്ന ദുആ സമ്മേളനത്തിന് ഏലംകുളം ബാപ്പുമുസ്്‌ലിയാര്‍ നേതൃത്വം നല്‍കും. ആനമങ്ങാട് മുഹമ്മദ് കുട്ടി ഫൈസി മുഖ്യപ്രഭാഷണം നടത്തും.