കൊല്‍ക്കത്ത: കേരള ബ്ലാസ്റ്റേഴ്‌സ് വിട്ട മലയാളി താരം അനസ് എടത്തൊടിക ഇനി എ.ടി.കെ കൊല്‍ക്കത്തയില്‍ കളിക്കും. കഴിഞ്ഞ ദിവസമാണ് അനസിന്റെ വരവ് എ.ടി.കെ കൊല്‍ക്കത്ത ഔദ്യോഗികമായി പ്രഖ്യാപിച്ചത്.
ദേശീയ ടീമിലേക്കുള്ള അനസിന്റെ മടങ്ങി വരവിന് അഭിനന്ദനങ്ങള്‍ അറിയിച്ചു കൊ@ണ്ടാണ് എ.ടി.കെ അനസിന്റെ കൊല്‍ക്കത്തയിലേക്കുള്ള വരവ് പ്രഖ്യാപിച്ചത്.

വന്‍ തുകയുടെ കരാറിലാണ് അനസ് എ.ടി.കെയില്‍ എത്തുന്നത്. ഐ ലീഗില്‍ കളിക്കുന്ന സമയത്ത് മോഹന്‍ ബഗാനില്‍ കളിച്ച അനസ് ഇതിന് മുമ്പും കൊല്‍ക്കത്തയില്‍ കളിച്ചിട്ടുണ്ട്. ഇവിടെ നിന്നായിരുന്നു മറ്റു ഐ.എസ്.എല്‍ ക്ലബുകളിലേക്ക് അനസ് എത്തുന്നത്. ബ്ലാസ്റ്റേഴ്‌സിന്റെ ബാക്ക് നിരയില്‍ നിന്ന് അനസ് പോകുന്നതോടെ ജിങ്കന് കൂട്ടിനായി മറ്റാരെയെങ്കിലും കണ്ടെത്തേണ്ടി വരും.