കണ്ണൂര്‍: മലബാറിന്റെ മണ്ണില്‍ പുതുമയുടെ വൈവിധ്യമൊരുക്കാന്‍ 3ജി ഡിജിറ്റല്‍ വേള്‍ഡ് മൂന്ന് ഷോറൂമുകള്‍ കൂടി തുറക്കുന്നു. കാഞ്ഞങ്ങാട്, പയ്യന്നൂര്‍, തളിപ്പറമ്പ് എന്നിവിടങ്ങളിലാണ് അത്യാധുനിക സൗകര്യങ്ങളോടുകൂടിയ ഷോറൂമുകള്‍ സജ്ജമാക്കിയിരിക്കുന്നത്.
നാളെ രാവിലെ പത്തിന് കാഞ്ഞങ്ങാട്ടും ഉച്ചയ്ക്ക് 12ന് പയ്യന്നൂരിലും വൈകിട്ട് നാലിന് തളിപ്പറമ്പിലും പ്രശസ്ത സിനിമാ താരങ്ങളായ ഫഹദ് ഫാസിലും മിയാ ജോര്‍ജും ചേര്‍ന്ന് ഷോറൂമുകള്‍ ഉദ്ഘാടനം ചെയ്യും. ഉദ്ഘാടനത്തോടനുബന്ധിച്ച് അത്യാകര്‍ഷകമായ ഓഫറുകളും ഒരുക്കിയിട്ടുണ്ട്.
ഉദ്ഘാടന ദിവസത്തെ പര്‍ച്ചേസിന് ലാഭം ഈടാക്കില്ല. എല്ലാ പര്‍ച്ചേസിനുമൊപ്പം സമ്മാനങ്ങളും നല്‍കും.
ഉദ്ഘാടനത്തിന് സന്നിഹിതരാവുന്നവര്‍ക്ക് തല്‍സമയ നറുക്കെടുപ്പിലൂടെ ഐഫോണ്‍ സമ്മാനമായി നല്‍കും. പലിശരഹിത വായ്പയില്‍ ഗാഡ്ജറ്റുകള്‍ സ്വന്തമാക്കാനുള്ള സൗകര്യവും ഒരുക്കിയിട്ടുണ്ട്.
2019 ഓടെ കേരളത്തിലുടനീളം 100 ഷോറൂമുകളും 700 കോടി വിറ്റുവരവുമാണ് കമ്പനി ലക്ഷ്യമിടുന്നതെന്ന് 3ജി ചെയര്‍മാനും മാനേജിങ് ഡയരക്ടറുമായ എ.കെ ഷാജി അറിയിച്ചു.
കേരളത്തിനുപുറമെ തമിഴ്‌നാട്, കര്‍ണാടക, ആന്ധ്രാപ്രദേശ്, ഇന്ത്യയ്ക്കു പുറത്ത് ദുബൈ, ഷാര്‍ജ, അബൂദബി എന്നിവിടങ്ങളിലും ഷോറും ശൃംഖല വ്യാപിപ്പിക്കാനുള്ള തയാറെടുപ്പിലാണെന്നും അദ്ദേഹം പറഞ്ഞു.