കൊട്ടിയം: സ്വകാര്യ ബസ് ജീവനക്കാര്‍ വിദ്യാര്‍ഥികളോട് അപമര്യാദയായി പെരുമാറുന്നതായി പരാതി.
കുണ്ടറ-കൊട്ടിയം, കുണ്ടറ-കണ്ണനല്ലൂര്‍-കൊല്ലം റൂട്ടില്‍ സര്‍വീസ് നടത്തുന്ന ബസുകള്‍ പലതും രാവിലെ കുരീപ്പള്ളി, പാലമുക്ക്, മുഖത്തല, ഇ.എസ്.ഐ ജങ്ഷന്‍ എന്നിവടിങ്ങളില്‍ നിര്‍ത്താറില്ലെന്നും നിര്‍ത്തുന്ന ബസുകളില്‍ കയറിക്കൂടുന്ന വിദ്യാര്‍ഥികളോട് അസഭ്യം പറയുന്നതായും  വിദ്യാര്‍ഥികള്‍ പറയുന്നു. വിദ്യാര്‍ഥികളും എ.ഐ.എസ്.എഫ് ജില്ലാ കമ്മിറ്റിയും  ഇത് സംബന്ധിച്ച്  കൊല്ലം ആര്‍.ടി.ഒയ്ക്ക്  പരാതി നല്‍കി. രാവിലെ 8.15 മുതല്‍ 9 വരെ സര്‍വീസ് നടത്തുന്ന ബസുകള്‍ക്കെതിരെയാണ്  പരാതി നല്‍കിയത്. എ.ഐ.എസ്.എഫ് ജില്ലാ ജോയിന്റ് സെക്രട്ടറി സുരാജ് എസ് പിള്ളയും തൃക്കോവില്‍വട്ടം പഞ്ചായത്ത് മുന്‍ പ്രസിഡന്റ് ബിനു പി ജോണിന്റെയും നേതൃത്വത്തിലാണ് പരാതി കൈമാറിയത്.